Komið þið sæl.
Það er allt gott að frétta af Grænakjarna. Sumarið er ekki alveg komið og fáum við allar gerðir af veðri sama daginn, svo þykka peysan og vettlingarnir eru alveg inn þessa dagana. Margrét brá sér í smá frí og kemur til baka 14.maí og á meðan er hún Guðrún Kristín með hópinn hennar. Marta ætlar svo að taka langa helgi um næstu helgi og verður í burtu föstudag og mánudag. Ekki er alveg komið á hreint hver verður í staðinn fyrir hana en líklega fáum við að hafa Guðrúnu Kristínu áfram. Nú fer að styttast í að fyrstu stúlkurnar fari yfir á Víkina og finnum við fyrir smá spenningi hjá stúlkunum yfir þessari breytingu en þær eiga svo eftir að fara í heimsókn og skoða deildina sína og hitta nýju kennarana. Spennandi tímar framundan hjá þeim. Góða helgi kæru vinir :-) Kærleikskveðjur; Marta, Guðrún Lilja, Jóhanna Björk og Guðrún Kristín.
